Kiljuútgáfa af einni áhrifamestu bók síðari ára: Draumalandið – sjálfshjálparbók handa hræddri þjóð eftir Andra Snæ Magnason.
Draumalandið fjallar um brýnustu málefni okkar tíma og er skrifuð af þekkingu og fágætri ástríðu sem hreyfir við hverjum lesanda. Með því að skoða hlutina frá frumlegu og skáldlegu sjónarhorni lýkur Andri Snær upp algerlega nýrri sýn á kunnuglega hluti. Bókin sló algerlega í gegn þegar hún kom út snemma á árinu 2006. Almenningur tók henni tveimur höndum og gagnrýnendur kepptust við að ausa hana lofi. Andri Snær hreppti síðan fyrir hana Íslensku bókmenntaverðlaunin 2006 og kom það fáum á óvart. Þá hlaut bókin „Verðlaun verðlaunanna“ árið 2009 í tilefni af 20 ára afmæli Íslensku bókmenntaverðlaunanna.
„Gargandi snilld.“
Silja Aðalsteinsdóttir / tmm.is
„Bók Andra sætir miklum tíðindum. Hún mun setja mark sitt á alla umræðu í landinu næstu misseri og ættu sem flestir að kynna sér efni hennar.“
**** Páll Baldvin Baldvinsson / Fréttablaðið
Höfundur: Andri Snær Magnason
Viðurkenning: Íslensku bókmenntaverðlaunin